Həmrəylik, xalqımızın milli birliyi, birlikdə hərəkətetmə bacarığı və vətənə bağlılıq ruhunun ən yüksək ifadəsidir. Dünya Azərbaycanlılarının həmrəyliyi bu ruhun simvolu olaraq, bütün xarici ölkələrdə yaşayan azərbaycanlıların da birləşməsinə və milli-mənəvi dəyərlərimizin qorunmasına xidmət edir.

31 Dekabrın qeyd edilməsi tarixi 1991-ci il dekabrın 16-da Naxçıvan Muxtar Respublikası Ali Məclisinin Ulu Öndər Heydər Əliyevin sədrliyi ilə keçirilən iclasında qəbul edilmiş qərara dayanır. Bu qərara əsasən, 31 dekabr tarixinin dünya azərbaycanlılarının həmrəylik bayramı kimi qeyd olunması təsdiqlənmişdir.

Dünya azərbaycanlılarının həmrəyliyi gününün dövlət bayramı kimi təsis edilməsi isə milli həmrəyliyimizin möhkəmlənməsi, diaspor vətənpərvərlərinin birləşməsi üçün önəmli addım olmuşdur. İlk dəfə bu həmrəylik Dünya Azərbaycanlılarının I Qurultayı zamanı vurğulanmış və azərbaycanlıların qlobal miqyasda birliyi konkret formaya salınmışdır. Qurultaydan sonra isə Ümummilli Lider Heydər Əliyevin 2002-ci il 5 iyul tarixli Fərmanı ilə bu günün önəmi və qeyd edilməsi dövlət səviyyəsində rəsmiləşdirilmişdir.

Prezident İlham Əliyev dəfələrlə Ulu Öndərin bu sahədəki xidmətlərini yüksək qiymətləndirmiş və həmrəylik ruhunun qorunub saxlanılmasının, Azərbaycan dövlətçiliyinin möhkəmlənməsindəki rolunu vurğulamışdır. 44 günlük Vətən müharibəsi zamanı Azərbaycan xalqının birliyi, həmrəyliyi və vətənpərvərliyi milli suverenliyimizin tam bərpasına gətirib çıxarmışdır.

Bu gün Azərbaycan həm suverenliyi bərpa edilmiş, həm də bütün dünyada yaşayan azərbaycanlıların həmrəyliyi ilə güclənmiş bir dövlət olaraq tanınır.

“Aqromexanika” Elmi-Tədqiqat İnstitutu bütün həmvətənlərimizi 31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə səmimi qəlbdən təbrik edir, xalqımıza sülh və firavanlıq arzulayır.